ما أشبه الليلة بالبارحة ..!!! يَغْوَلَة في يَغْوَلَة

الحمد لله ألف وصلاتي على مـن أرسـله

بشَّـرْ وأنذرنا..وهو يشفع لنـا يوم المآب

قولوا لبُو محضـــار قهوة ثوم تغلي مثقلة

والمحضرة الاّ في سهون البُـن لي له عَرف طاب

نا نعرفك رايــد ولا يكذِبْ أبَـد رايد هله

في الثغر وش عاينت كم راجل وكم لي عالركاب؟

عَ الهيْس سَعْفَك بـَـدو لا تركب خيال المرحلة

( ريوس غبوتـر) من ورا تقبْوَال صعدة والرحاب

ما قط سلم كل من رجِع ريْوَس عِمِيْ في الدّرْوَلة

وانته تقُلْ لي ريْوس البُدوان ماضـوّى مصاب

كود القبيلي لاافتكر ماقَـط يتجاوز( ثلة)

واْهل التمَسْيد والتمَشْيخ كم لهم خضعت رقاب

ورقاب باتخضع , مناشي الظلم هو والقلقلة

لاحت على راس الجبل ومسـيلها هذي الشعاب

لا , ياحبيب حسينْ , عوض مبخوت من لي قَبْوَلَهْ؟

لا , بس يكفي قد نســـينا لاتنكّشها الصواب

ياريتها الابالتمـــــاني باتكون المعقلة

ذلاّ جهالة , ما يزيّنها لنا حســـن الخطاب

يـدّي على قلبي من اْتخــيْوَاق ولَّـدْ بلبلة

والخوف كلّه لا يصبّح ذا الخوَقْ مانا سراب

والقصد يالمحضــــار شفها يَغْوَلَةْ في َيَغْوَلَةْ

والله يحفظ لاتقع ريْسَـان محصول الصراب